17.4.11
აღდგომის კულიჩი ანუ ჩვენებური პასკა
Approved byაღდგომა მოდის და ჰაერში პასკის სუნი უკვე დატრიალდა. თუმცა, ჩვენ რომ პასკას ვეძახით, ეგ აღდგომის კულიჩია, ნამდვილი პასკა კი ხაჭოსგან და ქიშმიშისგან კეთდება და მისი ორი - უმი და მოხარშული ვარიანტი არსებობს. თანაც გამოცხობა არ უნდა და საკმაოდ მარტივადც მზადდება. სხვათა შორის, ხაჭოს პასკას ფშავ-ხევსურეთში აკეთებენ და მის რეცეპტს უახლოეს მომავალში დავდებთ. ჩვენს კლუბში სააღდგომო კულიჩების დაცხობა, სხვა ბევრ გემრიელობასთან ერთად, ცომეულში გაწაფულ იუფიმია ენდრიუსს ევალება და იმედი გვაქვს რომ წელსაც ტრადიციულად გაგვანებივრებს. თავის რეცეპტს ისიც გვპირდება და ალბათ ამ დღეებში დაპოსტავს კიდეც. მანამდე კი, ვისაც ცხობა არ გეზარებათ და ნაყიდს საკუთარი ხელით შექმნილი გირჩევნიათ, იულია ვისოცკაიას ვიდეორეცეპტს გთავაზობთ. ხომ იცით, ასჯერ წაკითხულს და ახსნილს, ხშირად საკუთარი თვალით ნანახი სჯობია.
გემრიელად მიირთვით!
საუკეთესო სურვილებით, თქვენი მერი პოპინსი
0 კომენტარი.:
Post a Comment