მამაკაცები და მათი გულმავიწყობა

Approved by Natia Jinjolava

მეტნაკლებად ყველა კაცი გულმავიწყია, ზოგი ბუნებით, ზოგი ასაკის გამო, ზოგიც - როცა აწყობს. ავიწყდებათ დარეკვა, ოჯახისთვის რამის ყიდვა, მოკითხვა და ა.შ... აღარაფერს ვამბობ სახლში დატოვებულ ნივთებზე - მანქანის გასაღები, მობილური, სიგარეტი, საფულე... თუმცა, საჭირო დროს და საჭირო ადგილას გულმავიწყობაც ნიჭია!
ბიძაჩემი
აქაც გამიმართლა და ოჯახში გულმავიწყობის ჩემპიონი გვყავს - მამიდაჩემის ქმარი, რომელზეც ერთხელ უკვე გიყვებოდით. მისი ისტორიები ოჯახიდან ოჯახში ზეპირსიტყვიერად გადადის და ალბათ თაობებსაც გადაეცემა. მახსოვს, ერთხელ ბაბუაჩემთან მომაკითხა წასაყვანად. სანამ ჩანთა ავიღე, დავავიწყდი და წავიდა... ვსდიე, მაგრამ მისი მანქანა ჩემზე უფრო სწრაფად დადის...
ერთხელ უკრაინაში მოგზაურობისას, ღამის 2 საათზე ბენზინგასამართ სადგურთან შეჩერდა. მამიდაჩემი უკანა სავარძელზე ისვენებდა, შეჩერებით ისარგებლა და მუხლის გასამართად მანქანიდან გადმოვიდა. ბიძაჩემმა ბენზინი ჩაასხა, მანქანაში ჩაჯდა და გზა გააგრძელა. თან ცოლს ესაუბრებოდა. პასუხი რომ ვერ მიიღო, დაასკვნა, რომ ჩაეძინა. სადღაც 3 საათის შემდეგ, ცოტა დაფიქრდა, ამდენი ხნის სიჩუმემ გააკვირვა, უკან მოიხედა და... მიხვდა, რომ გაქანებული მანქანიდან მგზავრი ვერსად გაიპარებოდა და ბოლო გაჩერების ადგილზე დაბრუნდა, სადაც ცოლი სკამზე ჩამომჯდარი მორჩილად ელოდა...

ერთადერთი გადარჩენილი

კიდევ უფრო კურიოზულია მისი და თევზების სიყვარულის ამბავი. აკვარიუმი ძალიან უყვარს და  თბილისში ყოველ ჩამოსვლაზე, „მოთების“ („მოთევზობა“ - სიყვარულით ასე უწოდებს), ანუ თევზების საყიდლად ზოომაღაზიებს სტუმრობს. ერთხელაც შეიძინა თევზების მორიგი პარტია, მოიყვანა სახლში, ჩასხა ქილებში და... არ დახვდა ცივი წყალი. მშვიდად ჩაასხა ცხელი, თევზებიანი ქილა საყინულეში მოათავსა და იქვე დაივიწყა. საბედნიეროდ, შვილს მოშივდა, საჭმლისთვის მაცივარს მიაკითხა და ნახევრადგაყინული თევზები ოჯახის წევრების ვიშვიშისა და შეცხადების ფონზე გამოასვენა. ყველაზე საოცარი ისაა, რომ თევზების დიდი ნაწილი გადარჩა. მაგრამ მათი განსაცდელი ამით არ დასრულებულა. გაიგო რა, რომ თევზებს თბილი წყალი უყვართ, ზამთარში, ეზოში დადგმულ დიდ აკვარიუმში მადუღარა ჩაუშვა და ასევე დაივიწყა. მამიდაჩემმა პირაღმა ამოტრიალებული თევზების ფლოტილია სათითაოდ გოდებით ამოიყვანა და... ჰოი, საოცრებავ! ერთი თევზი ცოცხალი იყო!
თევზებს ვინ ჩივის, ადამიანებს კარგავს სისტემატიურად. თავისი მანქანა გაათხოვა და ბაბუაჩემს მიაკითხა, შენი მათხოვეო. ბაბუაც გაყვა ცენტრში. მერიის წინ მანქანა გააჩერეს და ორივე თავის საქმეზე გაეშურა. ბაბუა უფრო ადრე დაბრუნდა და მანქანიდან ხედავს სცენას: სიძე მოდის, იქით-აქეთ იყურება, ხელების შლას და ყვირილს იწყებს. გროვდება ხალხი, პოლიცია... ბაბუამ იფიქრა, ერთადერთ სიძეს რაღაც უჭირსო და საშველად გადავიდა. აჩოჩქოლებულ ხალხს მიუახლოვდა და ესმის: „მიშველეთ! მანქანა მომპარეს! მანქანა ჯანდაბას, კაცი მეჯდა შიგნით!“. ამ დროს დაინახა საღსალამათი სიმამრი,  გაახსენდა, ვისი მანქანით იყო და შიგ ვინ ეჯდა. ორივე ჩუმად გამოიძურწა...
კაცმა რომ თქვას, ამის მერე რაღა უნდა გამიკვირდეს... თუმცა, ხანდახან ახერხებენ. ნიჭიერ ხალხს რა გამოლევს!

საუკეთესო სურვილებით, თქვენი მერი პოპინსი

4 კომენტარი.:

  1. mamihlapinatapai

    gulmaviwyobisaaa magas araperi etyoba, saxeli damaviwyda, ragac sxva unda erqvas:) tu vinmes gaaxsendeba ar mogeridot shemaxsenet me ar vwuxdebi rame tu maviwydeba da amashi cuds verapers vxedav:) kido:) uyure shen ra pretenziuli yopilaa:))))))

  1. mamihlapinatapai

    mtavari ici ra aris meriko, adamians sakutari tavi ar daaviwydes pirvel rigshi, ai magalitad sakutar tavs sadme, rom shexvdeba xom sheidzleba ver icnos???:) arada sircxvilia:))) abidna, geubnebi meri raa, mag daavadebas ragacas edzaxian:)))))))))

  1. Natia Jinjolava

    მეც ვიცი, მაგას გულმავიწყობა კი არა, დაბდურობა და ეგოისტობა ქვია, ხანდახან სიბრიყვეც :)))) მაგრამ დაგინდეთ.
    ნუ გეშინია, საკუთარ თავს თუ დაკარგავ, მე გიცნობ და ოჯახში დაგაბრუნებ.

    დიდი სიყვარულით, შენი მერიკო

  1. mamihlapinatapai

    kaxetshi kaxetshiii:)))

Post a Comment