17.4.12
მოხარშული კვერცხი ფრიტიურში ორნაირი სოუსით
Approved by
8 კვერცხი მოვხარშოთ, გამდინარე ცივი წყლის ქვეშ გავაგრილოთ
და გავფცქვნათ. სოუსი კარისთვის - ერთმანეთში ავურიოთ მაიონეზი, მაწონი და კარის ფხვნილი.
ვაშლი გავხეხოთ და ისიც სოუსში ჩავამატოთ. გავფცქვნათ ბანანი, დავჭრათ პატარა კუბიკებად
და ისიც სოუსში ჩავამატოთ. შევასუნელოთ მარილით და შაქრით. ანანასის სოუსისთვის - გავთალოთ
ანანასი და ორი დიდი ნაჭერი დავჭრათ წვრილად. დავასხათ კეტჩუპი, დავუმატოთ გახეხილი
ჯანჯაფილი, ჩავაყაროთ წიწაკა და ხმელი ქინძი და კარგად გადავურიოთ. პატარა ქვაბში გავახუროთ
ზეთი 175°C-მდე. უმი კვერცხი ავთქვიფოთ პატარა ფიალაში. მოხარშული კვერცხები ჯერ პატარა
ლამბაქზე დაყრილ ფქვილში ამოვგანგლოთ, მერე ათქვეფილ კვერცხში ამოვავლოთ და ბოლოს ქოქოსის
ფანტელში ამოვგანგლოთ. ფრთხილად ჩავუშვათ მდუღარე ზეთში და 2-3 წუთი ვხარშოთ, სანამ
ქოქოსის ფანტელი არ გაოქროსფერდება.
ეს აზიური კერძია და განსაკუთრებულად უხდება მოხარშული
ბრინჯი.
გემრიელად მიირთვით!
საუკეთესო სურვილებით, თქვენი მერი
პოპინსი
0 კომენტარი.:
Post a Comment