ჩემი მეგობრები და სხვა ცხოველები

Approved by Mary Poppins

ამდენი შრომისა და ჯაფის (რომლის მოწმე ხარ, ჩვენო ერთგულო მკითხველო), უწყვეტი ელექტრონული და სატელეფონო კავშირის (რომლის მოწმეცაა სრულიად საქართველოს სატელეფონო და ინტერნეტ-პროვაიდერები), წყვილ-წყვილად და ტრიო-ტრიოდ შეკრებების შემდეგ (რომლის უნებლიე მოწმეა ქუჩაში შემთხვევით გამვლელები), როგორც იქნა, ავისრულეთ ოცნება და ბლოგერავტორთა ხროვის სრული შემადგენლობა + თაყვანისმცემლები, შევიკრიბეთ და მუსრი გავავლეთ 3 დღის წვალების შედეგს.
ერთ ტორტსა და 4 ლიქიორს (ყავა და ჩაი განუსაზღვრელი ოდენობით) გარს ვევლებოდით და თავს ვეხვეოდით 4 ბლოგერი, 1 იურისტი, 1 მეორეხარისხოვანი მთავარი პერსონაჟი, 1 მსხვერპლი და ერთიც განტევების ვაცი და ბლოგთან დაახლოებული სხვა პირები.
სასიამოვნო ბაასსა და ხმამაღალ ჟივილ-ხივილში ოფიციალურად ჩამოყალიბდა, დაარსდა, გაფორმდა და დაკანონდა თანამოაზრეთა კლუბი: Coffee Cake Club. დაისახა მომავლის გეგმები, ჩამოყალიბდა სტრატეგია, შედგა ღონისძიებათა გრაფიკი, შეირჩა კლუბის ქილიკისა და გაკიცხვის ობიექტები, გადაწყდა, ვინ დაისაჯოს, ვინ წახალისდეს.
ერთი სიტყვით, გავერთეთ, ვიხალისეთ, ვილაზღანდარეთ, ერთმანეთის ქებით ენები გადავიტყავეთ და საკუთარი თავის ხოტბაში ყურები დავიკაპიწეთ. ობიექტურობის გრძნობა რომ არ დაგვეკარგა, ვინც კი იმსახურებდა, ყველა გავაკრიტიკეთ (სამართლიანად, რაღა თქმა უნდა!).
ბლოგზე უნებლიედ დამკვიდრებულმა ტრადიციამ, ავატარად ცხოველების სურათების არჩევამ, ჯერალდ დარელი გაგვახსენა - „ჩემი ოჯახი და ცხოველები“, ჩემი ბავშვობის (და არა მარტო) უსაყვარლესი წიგნი. და თავისთავად გაჩნდა: “ჩემი მეგობრები და სხვა ცხოველები“.

მისის ეფიგენია დაუტფაიერი

მისის დაუტფაიერი (უახლოეს მომავალში პირადად გაგეცნობათ), ამ ერთი თვის განმავლობაში გამოჩენილი სიზარმაცისა და დუმილისთვის ნაძვისხის გვერდით, სახით კედლისკენ და ზურგით ტორტისკენ, კუთხეში ავტუზეთ და „სირცხვილო, სირცხვილო“ ვეძახეთ. იმედია, სადღაც შემთხვევით შემორჩენილი სინდის-ნამუსი გავუღვიძეთ და, კალამი თუ არა, კომპიუტერის კლავიატურა მაინც ავაღებინეთ ხელში.
დედიკო რუ, ტრადიციისამებრ, ყველაზე ადრე მოქანდა, ყველაზე ენერგიულად გაერთო და ასევე  ყველაზე ადრე გაქანდა ნასვამი ქმრის დასაბინავებლად და პატარა რუების სასეირნოდ გასარეკად.
ბლოგის იურისტმა სერიოზული დავალება მიიღო - დარჩენილი წლის ბოლომდე იმუშაოს და უნდა-არუნდა, შეადგინოს ბლოგერთა ერთობისა და თანამოაზრეობის ქვისგამტეხი, წყალშეუვალი და ურღვევი ქარტია.
განტევების ვაცი დიდხანს გვიძალიანდებოდა, მაგრამ მაინც გავატყავეთ, ოთხში ამოვიღეთ და ისე გავუშვით სახლში. სხვათა შორის, გაცილებით გალამაზებული და გაკეთილშობილებული.
ერთი სიტყვით, კარგად ვიმუშავეთ. უკაცრავად, კარგად მამუშავეს. მოგეხსენებათ, სატურნალიებია და როლები იცვლება: მასპინძელი იჯდა, სტუმრები კი მის გარშემო ვტრიალებდით. ასე აღარასდროს შევცდები. მომავალ წელს ამ დღეს ყველას ჩემთან ვუმასპინძლებ. ტორტი კი მაჭამეს, მაგრამ რად გინდა?! როგორც დამემუქნენ, ჭურჭელი ჩემი დასარეცხია...

საუკეთესო სურვილებით, თქვენი დეიდა პოლი

7 კომენტარი.:

  1. Mary Poppins

    მიყვარს, მიყვარს მუყაითი და გამრჯე ხალხი! უთენია გიშრომია და მშვენიერის სტატია გამოგიცხვია!დილიდან განცხრომაში ვარ: ლოგინში ყავა და ბლოგში წერილი... ჩვენს ვაცს ლამაზი ტყავი ჰქონია, ქურქი ხომ არ შემეკერა?!

  1. Dediko Ru

    А я с утра ждала когда появитесь! Ну как Фотки? Торт просто восторг!!!!!

  1. Argabedo

    chems tyavs tavi daanebet! da saertod, tyavic zed maqvs, yurebic da ... agar vityvi kidev ra!!!! vaaa... mainc ver momerevit!

  1. mamihlapinatapai

    ver xedav ramdens chamen:) mogerevian aba ras izamen:))))) kbilebs amwekranit igeben da brchyalebs charxze isworeben:))

  1. mamihlapinatapai

    ase, rom prtxilad iyavi axalgazrdav sawnaxelshi ar chagitrioon:)))))) ras gaswavlidi jeelobashi, qalebi nazi arsebebi arian da dautmetqo, xom gaswavlidi???:)) ki gaswavlidi:))))))) bavshvi ar damichagrot oe:)

  1. Argabedo

    ra tyavi ris tyavi???:) erti sityvit machvi da mela uprtxildes ra bidzias:)))

  1. Freken Snork

    Если б козла отпущения можно было ещё и доить! (Ежи Лец)

Post a Comment