24.12.11
გლინტვეინი გორდონ რამზისაგან
Approved by
ავიღოთ საშუალო ზომის ქვაბი და ჩავასხათ 1 ბოთლი კარგი წითელი ღვინო. გლინტვეინისათვის მოვამზადოთ არომატული სანელებლების ნაკრები. ამისათვის ავიღოთ რამდენიმე ფენა მარლა ან ნარმა და გამოვკრათ 8-10 პარკი ილი, 6-7 ცალი მიხაკი, 2 ცალი ვარსკვლავა ანისულა, დარიჩინის ჩხირი, 1 ღერო დაჩეჩქვილი და დაჭრილი ლიმონგრასი. ჩვენი იმპროვიზირებული ტომსიკა ღვინოში ჩავაგდოთ. ფორთოხალს ძალიან თხლად ავათალოთ ქერქი და ისიც ღვინოში ჩავუძახოთ. ფორთოხალი დავჭრათ და მისი ნაჭრებიც ღვინოში ჩავყაროთ. ღვინოს დასატკბობად თავშედგმული სუფრის კოვზი ლერწმის შაქარიც დავუმატოთ (თქვენ თუ ძალიან ტკბილი გიყვართ, კიდევ ერთი კოვზი შაქარი დაამატეთ). ღვინოში ჩავყაროთ დაკარამელებული ჯანჯაფილის (კოჭას) ორი ფესვი 2 ს/კ ჯანჯაფილის სიროპთან ერთად. ღვინოს კარგად მოვურიოთ და გავაცხელოთ, მაგრამ ნუ ავადუღებთ. დუღილის დროს მთელი ალკოჰოლი აორთქლდება.
გლინტვეინზე მისატანებლად შესუნელებული თხილიც ადავამზადოთ. გაცხელებულ ტაფაზე მოსახალად დავყაროთ ბრაზილიური კაკლის, ნიგვზის, ნუშის, თხილისა და ბუსტუღის ნარევი. კაკლები რომ გახურდება მოვაყაროთ მარილი და თითო ჩაის კოვზი დაფქული ცხარე წიწაკა და პაპრიკა და კარგად მოვურიოთ. სულ ბოლოს ერთი ტოტი როზმარინის ფოთლებიც მოვაყაროთ და გემრიელად მივირთვათ!
საუკეთესო სურვილებით, თქვენი მერი პოპინსი
2 კომენტარი.:
ერთხელ ვცდი და დავაგემოვნებ :)
აუცილებლად სცადეთ, მოგეწონებათ, ოღონდ ცივ ამინდში! სიცივეს და ზამთარს უხდება განსაკუთრებით :)
Post a Comment