მწვანე პამიდორი ნიგვზით

Approved by Mary Poppins


მინდა ჩემი კულინარიული წიგნიდან ერთი განსაკუთრებული და ძალიან ეფექტური ე.წ. "ზაკუსკა" შემოგთავაზოთ, რომელიც თავისთავადც გემრიელია და ნებისმიერ სუფრასაც ამშვენებს. თან ერთხელ გააკეთებთ და მერე მთელი ზამთარი არხეინად მიირთმევთ. გამორჩეულად უხდება ცხელი მჭადი!


ხილდურ ბოკის ნიგვზიანი პამიდორი
10 კგ მწვანე პამიდორი, 1,5 კგ წითელი ბულგარული წიწაკა, 1,5 კგ ხახვი, 0,5 ლ თეთრი ღვინის ძმარი, 1 ლ ზეთი, 300 გრ დაფქული ნიგოზი, თითო ღვინის ჭიქა უცხო სუნელი, ყვითელი ყვავილი და ხმელი ქინძი, 8 საშუალო თავი ნიორი, 10 ც მეწვანე ცხარე წიწაკა, მარილი და მიხაკ-დარიჩინი გემოვნებით
პამიდორი დავჭრათ, მოვაყაროთ მარილი და გავაჩეროთ 24 საათი. სქელძირიან დიდ ქვაბში ჩავასხათ ზეთი და მოვთუშოთ ალყა-ალყა დაჭრილი ხახვი. პამიდორი გავწუროთ და დავაყაროთ ხახვს და ვშუშოთ სანამ ფერს არ დაკარგავს. დავაყაროთ რგოლებად დაჭრილი ბულგარული წიწაკა, წვრილად დაჭრილი ნიორი და ნიგოზი. სუნელები გავხსნათ ძმარში და დავასხათ პამიდორს. 5 წუთი კიდევ ვთუშოთ და ცხლადვე ჩავასხათ ქილებში. მოხუფვა არ სჭირდება, პლასტმასის თავსახურებიც ყოფნის!
გემრიელად მიირთვით!

საუკეთესო სურვილებით, თქვენი ხილდურ ბოკი

0 კომენტარი.:

Post a Comment